संजय श्रीवास्तव अवधी
धन्नभाग सुधि हमरौ आई
पांच बरिस के बादि सही
बिसरि गवा कुलि वरहन भैय्या
आज दुवारेप् काव कही !
मडही टूट घोल घर खटिया
गयि पछियाउ खांचि लै टटिया
डेहरी छूंछि मूस कै डेरा
भल बइमान मिली किसमतिया
यादि रहा मुल आइ बतायौ
समय भवा बरबाद कही
बिसरि गवा कुलि वरहन भैय्या
आज दुवारेप्………….
दुइउ भाय दुइ दल से लडिगेउ
केहकै विजय कामना गाई
केउ न केउ तौ जितबै करबौ
घर कै बात घरैम् रहि जाई
बहुत नीक इ बुद्धि लडायौ
सत्ता अपुनेन हाथ रही
बिसरि गवा कुलि वरहन भैय्या
आज दुवारेप्………
हमरै अंगुरी हमही नाची
राजनीति के अंगना मा
जे तुरियाने बाझि गये ते
पटिदार से झगरा मा
माघ महीनम् खेतेम् बइठा
खिस्सा तौहरै राति कही
बिसरि गवा कुलि वरहन भैय्या
आज दुवारेप् काव कही !!
